笑到最后｜今年必上四万三！！（高明）

第一次减息后有数据证明经济实在太强，所以今年升上四万三，可能已经係保守预测。 (Raygun via Getty Images)

近期股市高位反覆，身边好多朋友都开始讨论股票，间中一日大跌，实在难免令升幅后期入市嘅股民气馁。高明係「香港真係一块福地」倡议人，喺呢啲前景不明朗嘅时候，又要发挥正能量，可以肯定咁同大家讲，今年必上四万三点，大家毋须担心。

下载财经APP

美股外币即时报价 多国新闻任睇

四万三已经係保守预测

至于点解咁肯定会升上四万三？实在係因为整体大市嘅强势未变，加上经济加息时保时强劲，到第一次减息后有数据证明经济实在太强，所以今年升上四万三，可能已经係保守预测。

事实上，道指今年升12.38%，最新啱啱升穿42000点水平。相对标普今年升逾21%，感觉上稍为逊色，但係如果用以下分析员统计数字，就知道指嘅强势。

根据SentimenTrader嘅高级研究分析员Jason Goepfert指出，过去250个交易日内，道指有152次录得上升，胜率接近61%。同样情况只係喺2010年4月同2018年5月出现过。

香港资金自由流动，外围有机遇可以自由调配资金把握。 (urbancow via Getty Images)减息利好经济

好多股民经历其他市场大起大落，渐渐会觉得三五年一遇大牛市好唔可靠，反而低波幅日日赚更坐得舒服。报告亦指出，过去100个星期中，道指有超过60%嘅星期录得上升；过去60个月内，道指有63%嘅月份录得上升；过去15年中，道指有80%嘅年份係录得上升。

另一指标就係最新CPI数字，9月核心CPI按年及按月分别上升3.3%及0.3%，两者都升幅超过预期。即係一知道减息，美国人又开始消费。成个道指入面除咗苹果（AAPL）、微软（MSFT）、亚马逊（AMZN），其他就係可乐（KO）、宝洁（PG）、麦当劳（MCD）加埋一众金融股等。都係一堆稳食消费及经济增长嘅股份。

所以今年道指上43000点係必然发生嘅事，股民实在可以放心。至于点解同香港有关，因为香港资金自由流动，外围有机遇可以自由调配资金把握，所以香港真係一块福地。

高明

facebook

IG

作者简介︰赚钱係目标，炒股係手段，专栏记载由手段到目标嘅过程。

本栏逢周六刊出

热门新闻